رحله بحريه حكايات أسما ×1
زوجين أغنيا في رحلة بحرية زقوا مراتي في حمام السباحة قدام الناس… لكن اللي حصل بعدها بثواني خلي الكل يقف يصفق… من حلاوة الانتقـام
اللي حصل كان في تاني ليلة من الرحلة البحرية.
الناس كلها كانت لابسة شيك، والأضواء منعكسة على البحر، والدنيا شكلها كأنها مشهد من فيلم.
أنا ومراتي رجعنا علشان نقعد على الكراسي اللي كنا سايبينها من شوية…
اتفاجئنا إن عليها أكواب عصير فاضية، ومناديل، وعلب أكل، وكأن حد استخدمها ورماها كلها عندنا.
بصيت لقيت زوجين قاعدين قريب، وواضح جدًا إن الزبالة بتاعتهم…ابتسمت باحترام وقلت للراجل:
“لو سمحت، ممكن تشيل الحاجات دي؟ دي كانت على كراسينا.”
الراجل بصلي من فوق لتحت، وضحك باستهزاء.
وقال:”دوروا على مكان أرخص يناسبكم.”
مراته بصت لمراتي، وضحكت وهي بتقول:
“واضح إنكم فضلتوا تجمعوا فلوس عشر سنين علشان تعرفوا تركبوا الرحلة دي.”
إيدي اتقبضت…كنت هرد…
لكن مراتي مسكت دراعي بهدوء، وقالت:
“سيبهم… ما يستاهلوش يبوظوا ليلتنا.”
ابتسمتلها، ومشينا ناحية حمام السباحة.
كانت لابسة فستان جديد اشتريناه مخصوص للرحلة، وكانت فرحانة بيه جدًا.
قالتلي وهي بتلف قدامي:”خدلي كام صورة.”
طلعت الموبايل، وبدأت أصورها.وفجأة…
لقيت نفس الزوجين معديين من جنبها.
الراجل ابتسم ابتسامة مستفزة…وفجأة مد إيده…
وزق مراتي بكل قوته…وقعت في المسبح…
بالفستان الجديد…في اللحظة دي حسيت الدم غلي في عروقي.
جريت ناحيته وأنا خلاص هفقد أعصابي…
لكن قبل ما أوصله…
ربنا جابلنا حقنا في أقل من ثانية… واللي حصله محدش كان يتوقعه..
لايـك وسيبلـي كومنـت وهـرد عليكـم باللينكـ بعـد شـوية وقـت صـغيرين _ حكـايـات أسمـا السـيد
@أبرز المعجبين
جريت ناحية الراجل وأنا الغضب عاميني.
مراتي كانت بتحاول تطلع من حمام السباحة، والفستان اللي كانت فرحانة بيه من ساعات بقى تقيل ومبلول، وشعرها لازق في وشها، لكن أكتر حاجة وجعتني كانت نظرة الإحراج اللي في عينيها.
قبل ما أوصل للراجل…
سمعنا صوت صفارة حادة.
واحد من أفراد الأمن كان واقف على بعد خطوات، وشاف كل اللي حصل.
صرخ بصوت عالي:
“حضرتك… قف مكانك!”
الراجل لف وهو بيضحك.
وقال بثقة:
“كانت حادثة.”
