سمعت جوزي حكايات أسما ×3
الفصل السادس
الممر السري كان ضيق…
وترابه مالي هدوم ليلى.
كانت بتجري وهي بتحاول تمنع نفسها من الرجوع.
لكن صوت الرصاص اللي سمعته وراها…
كان بيقطع قلبها.
بعد دقايق…
خرجت من فتحة صغيرة ورا المخزن.
وقعت على الأرض وهي بتنهج.
طلعت موبايلها.
إيدها كانت بترتعش.
اتصلت بسيف.
مرة…
واتنين…
وتلاتة…
التليفون كان مقفول.
حست إن الدنيا اسودت في وشها.
لكن افتكرت آخر كلمة قالها:
“أنقذي الحقيقة.”
مسحت دموعها…
وركبت أول عربية أجرة.
وقالت للسواق:
“على النيابة العامة… بسرعة.”
…
في نفس الوقت…
المخزن كان مليان دخان.
ورجالة فؤاد بيدوروا في كل ركن.
واحد منهم قال:
“فين الست؟”
رد فؤاد بغضب:
“هربت.”
لف ناحية سيف…
اللي كان متسند على الحيطة.
الدم نازل من كتفه.
لكنه كان واقف.
بص له فؤاد بابتسامة باردة.
وقال:
“كل ده علشان مراتك؟”
سيف رد بهدوء:
“علشان الحق.”
ضحك فؤاد.
“بعد العمر ده كله افتكرت الضمير؟”
سيف بص له بثبات.
وقال:
“أنا غلطت لما وثقت فيك.”
فؤاد قرب منه.
وقال بصوت واطي:
“إنت مش فاهم.”
“أنا مش هسيب حد يهد اللي بنيته.”
رفع المسدس…
وصوبه على صدر سيف.
لكن قبل ما يضرب النار…
سمعوا صوت سيارات الشرطة.
وبعدها…
صوت ميكروفون:
“المكان محاصر بالكامل…”
“ارموا السلاح.”
وش فؤاد اتغير.
بص لسيف.
وقال بغضب:
“إنت بلغت!”
سيف ابتسم رغم ألمه.
“لا…”
“مراتي.”
…
بعد أقل من ساعة…
ليلى كانت واقفة قدام وكيل النيابة.
سلمته الفلاشة.
وكل المستندات.
وقالت:
“كل اللي أعرفه موجود هنا.”
بدأوا يراجعوا الملفات.
وبعد دقائق…
اتصل وكيل النيابة بقيادة الأمن.
خرجت أوامر قبض فورية.
على فؤاد الكيلاني…
وكل أفراد الشبكة.
…
لكن ليلى كانت مشغولة بحاجة واحدة.
سيف.
خرجت من المبنى.
ولقت عربية إسعاف داخلة بسرعة.
جريت ناحيتها.
وشافتهم بينزلوا مصاب.
أول ما شافت الساعة اللي في إيده…
عرفته.
صرخت:
“سيف!”
جريت عليه.
الدكتور وقفها.
وقال:
“ابعدي.”
لكنها مسكت إيده.
كانت باردة.
همست وهي بتبكي:
“إوعى تسيبني.”
فتح عينه بالعافية.
وبص لها.
وابتسم.
وقال بصوت ضعيف:
“كنتي… لسه هتمشي…”
ردت وهي بتعيط:
“اسكت.”
“متتكلمش.”
ابتسم تاني.
وقال:
“يبقى… لسه عندي فرصة.”
…
مرت تلات شهور.
فؤاد اتحكم عليه بعد ما اعترف شركاؤه.
واتكشفت شبكة فساد كبيرة.
واسم سيف…
خرج منها بعد ما ثبت إنه كان ضحية تزوير وإخفاء معلومات في عدد من العقود، وأنه تعاون مع جهات التحقيق بمجرد اكتشاف الحقيقة.
