رحله بحريه حكايات الكاتبه اسما السيد1
كان في الحقيقة…
مع واحدة تانية.
قالت بصوت مخنوق:
ـ كنت بتحبها؟
هز راسه بسرعة.
ـ لا.
ـ أومال؟
ـ كنت بحس معاها براحة.
ضحكت بمرارة.
ـ وأنا؟
نزل راسه.
ـ كنت بحس إنك زعلانة مني على طول.
قالت:
ـ لأنك كنت بتبعد.
وأنا كنت بجري وراك.
كل ما تبعد خطوة…
أنا أقرب اتنين.
لحد ما تعبت.
سكت.
وبعدين كملت:
ـ والسفرية دي؟
هي كمان كانت هنا؟
رد بسرعة:
ـ لا.
ـ متأكد؟
ـ والله.
بصت في عينيه.
ولأول مرة…
ما عرفتش تقرأه.
قال:
ـ العلاقة انتهت من شهرين.
ـ وهي اللي سابتك؟
اتصدم.
قال:
ـ عرفتي منين؟
ابتسمت.
ـ لأن الراجل اللي بيحب واحدة…
ما بيقفش قدام مراته يترجاها ترجع.
لكن الراجل اللي اترفض…
بيفتكر مراته.
الكلام وجعه.
لكن الحقيقة كانت أوحش.
قام من مكانه.
وقال:
ـ أنا مستعد أعمل أي حاجة.
قالت:
ـ أي حاجة؟
ـ أيوه.
ـ طيب امشي.
بصلها.
ـ دلوقتي؟
ـ أيوه.
خرج وهو مكسور.
وقف قدام الباب ثواني، مستني إنها تناديه.
لكنها قفلت الباب بهدوء.
وأول ما سمعت صوت القفل…
انهارت.
قعدت على الأرض.
وضمت رجليها.
وبكت.
بكت الأربع سنين كلهم.
بكت كل مرة استنت فيها قدام باب الشقة.
كل مرة نامت لوحدها.
كل مرة صدقت حجة.
كل مرة دافعت عنه قدام أهلها.
لحد ما نامت من التعب.
…
الصبح…
صحيت على خبط خفيف على الباب.
افتكرته هو.
لكن لما فتحت…
لقيت أختها.
شايلة كوبايتين قهوة.
ابتسمت وقالت:
ـ قلت أكيد محتاجة حد يقعد معاكي.
حضنتها من غير كلام.
دخلوا قعدوا في البلكونة.
قالت أختها:
ـ هتسامحيه؟
ردت بعد تفكير:
ـ معرفش.
قالت:
ـ بتحبيه؟
سكتت.
وبعدين قالت:
ـ بحب الشخص اللي كنت فاكرة إنه هو.
مش الشخص اللي اكتشفته.
في نفس اللحظة…
سمعت صوت خناقة جاية من تحت.
بصوا من البلكونة.
كان جوزها واقف في مدخل الفندق…
وقدامه بنت شابة.
بتزعق فيه بصوت عالي.
والناس كلها واقفة بتتفرج.
سمعتها وهي بتقول:
ـ كفاية كذب!
إنت وعدتني إنك هتطلقها!
اتجمد الدم في عروقها.
نزلت بسرعة هي وأختها.
كل الموجودين كانوا متجمعين.
البنت كانت بتعيط.
وجوزها بيحاول يسكتها.
أول ما شاف مراته…
وشه بقى أبيض.
قال:
ـ والله الموضوع مش زي ما إنتِ فاهمة.
لكن البنت بصت للزوجة وقالت:
ـ هو ما قالكيش؟
إحنا مخطوبين من ست شهور!
شهقت الزوجة.
أما هو فصرخ:
ـ اسكتي!
لكن البنت طلعت موبايلها.
وفتحت ألبوم صور.
كان فيه صور ليهم مع بعض…
في مطاعم…
وفي حفلات…
