سمعت جو زي حكـايـات أسمـا ×2
والرصاصة الأولى…
ارتطمت بالزجاج الخلفي.
نظر إليها وقال وهو يقبض على المقود:
“اللي بيطاردك…
مش عايز الفلوس.”
سألته وهي ترتجف:
“أمال عايز إيه؟”
رد وعينه على الطريق:
“عايز يدفن السر…
قبل ما تعرفي إن أنا كمان…
كنت الضحية.”
يتبع…
الفصل الخامس
العربية كانت بتشق الطريق بسرعة جنونية.
وصوت الرصاص اختفى تدريجيًا…
لكن صوت أنفاس ليلى كان أعلى من أي حاجة.
كانت ماسكة الفلاشة بإيد بترتعش.
وسيف مركز في الطريق…
ولا بص لها مرة واحدة.
بعد خمس دقايق…
دخل طريق جانبي.
ووقف قدام مخزن قديم تابع للشركة.
نزل بسرعة.
فتح الباب.
وقال:
“انزلي.”
ليلى وقفت مكانها.
وقالت بحدة:
“أنا مش بثق فيك.”
سيف هز راسه.
“ومن حقك.”
“بس لو كنت عايز أخلص منك…”
“ماكنتش رجعت علشان أنقذك.”
سكتت ثواني…
ونزلت.
…
دخلوا المخزن.
قفل الباب الحديد.
وشغل كاميرات المراقبة.
وبعدين بص لها.
كانت أول مرة يقفوا قدام بعض…
من ليلة ما سابت البيت.
قال بهدوء:
“اضربيني لو ده هيريحك.”
ليلى بصت له باستغراب.
“إيه؟”
“اضربيني.”
“اشتمي.”
“اعملي اللي إنتِ عايزاه.”
“بس اسمعيني خمس دقايق.”
دموعها نزلت وهي بتصرخ:
“أسمع إيه؟”
“أسمع إنك كنت بتضحك عليا قدام الناس؟”
“أسمع إن وجودي في حياتك كان حمل؟”
“أسمع إنك كنت مستني اليوم اللي أمشي فيه؟”
سيف نزل عينه في الأرض.
وقال:
“كل كلمة قولتها… أستحق أتحاسب عليها.”
“لكن فيه حاجة ما تعرفيهاش.”
…
فتح درج قديم.
طلع ملف طبي.
ورماه قدامها.
ليلى فتحته.
وفي أول صفحة…
اسم سيف.
وتقرير من خمس سنين.
قرأت أول سطر…
واتجمدت.
“المريض يعاني من ورم خبيث بالمخ…”
رفعت عينيها بسرعة.
“إيه ده؟”
قال بهدوء:
“قبل جوازنا بست شهور.”
“الدكاترة قالولي احتمال كبير أموت.”
ليلى شهقت.
“ليه ما قولتليش؟”
ابتسم بحزن.
“لأنك كنتي هتسيبيني.”
صرخت:
“مستحيل.”
قال:
“كنت فاكر كده.”
“ومن يومها…”
“قررت أخليكي تكرهيني.”
ليلى بصت له بعدم تصديق.
“إنت بتقول إيه؟”
قال وهو يضحك ضحكة موجوعة:
“كل ما كنت أقسى عليكي…”
“كنت باقنع نفسي إنك لو مشيتي بعد موتي…”
“هيكون أسهل عليكي.”
سكت.
ثم أكمل:
“لكن المرض اختفى بعد العملية.”
“وأنا…”
“…ماعرفتش أرجع الإنسان اللي كنت عليه.”
…
ليلى فضلت تبص له.
مش عارفة تصدق.
ولا تكذب.
قالت بصوت مكسور:
“يعني كل السنين دي…”
“كنت بتعذبني علشان بتحبني؟”
