عارضة ازياء حكـايـات أسمـا ×3
كل الكراسي مشغولة.
أعضاء المجلس.
المراجع القانوني.
محامو الشركة.
ممثلون عن المستثمرين.
وفؤاد.
أول ما دخلت…
القاعة كلها سكتت.
عامر كان واقف.
أول ما شافني…
قام من مكانه.
وقال بهدوء:
“اتفضلي.”
وأشار للكرسي المقابل ليه.
نفس الكرسي…
اللي كنت بقعد عليه زمان.
قبل ما يبقى اسمي مجرد ذكرى.
قعدت.
من غير كلمة.
—
رئيس المجلس المؤقت بدأ الكلام.
“إحنا مجتمعين النهارده علشان نحسم الأزمة القانونية.”
بص ناحيتي.
“ونسمع من كل الأطراف.”
أول واحد اتكلم…
كان محامي الشركة.
قال:
“من الناحية القانونية…”
“ثبوت نسب الطفلين لا خلاف عليه.”
“لكن ما زال في خلاف على تفسير بعض بنود عقد التأسيس.”
فتح ملف كبير.
وبدأ يشرح.
لكن قبل ما يكمل…
فؤاد رفع إيده.
وقال:
“في مستندات لازم تتعرض الأول.”
حط الفلاشة على الترابيزة.
وقال:
“دي تسجيلات اجتماعات التأسيس.”
القاعة كلها بصت للفلاشة.
—
اتعرض أول فيديو.
نفس الفيديو اللي شوفته بالليل.
لكن المرة دي…
قدام كل الناس.
الصوت كان واضح.
أحد المستثمرين في التسجيل قال:
“إحنا موافقين نستثمر بسبب الدراسة اللي قدمتها الأستاذة ريم.”
وبعدين ظهر عامر.
وهو بيقول بفخر:
“أي نجاح للشركة دي… نصه لريم.”
الصمت نزل على القاعة.
واحد من أعضاء المجلس بص لعامر.
وقال:
“الكلام ده بصوتك؟”
عامر رد من غير تردد.
“آه.”
—
اتعرض الفيديو التاني.
وبعدين التالت.
وفي كل فيديو…
أنا اللي بشرح.
أنا اللي بتفاوض.
أنا اللي برد.
أما عامر…
فكان كل شوية يقول:
“اسألوا ريم.”
“هي أدرى.”
“هي صاحبة الفكرة.”
بدأت همسات تدور في القاعة.
واحد قال للتاني:
“إحنا عمرنا ما شفنا التسجيلات دي.”
—
بعد نص ساعة…
رئيس المجلس قفل الشاشة.
وقال لعامر:
“عندك رد؟”
عامر وقف.
